நார்த்தீகம்

என் கண்களுக்கு கோயிலும் கடவுளும்...

கடவுளின் சிலை, கல்லிற்கு உளி கொண்டு உயிர் வடித்த கலைஞனின் கலை...

ஆலயம், ஆயிரம் உயிரை களவாடிய கடவுளுக்கு கட்டப்பட்ட சிறை...

நல்லோரை தன்வசம் இறப்பால் ஈர்த்த சுயநலவாதி...

காணிக்கையின் அளவைக் கொண்டு ஆசி வழங்கும் அரசியல்வாதி.

ஆழ்மனதின் நம்பிக்கையே வெற்றி தோல்வியை தீர்மானிக்கும் என்பதை அறிவியலாய் சொன்னால் புரியாது, ஆதலால் ஆண்டவன்(ஐ) உருவானான். இதைப் புரியாத மூடர்களுக்கு நான் மூடன்.

நமக்கு, வெற்றி எப்போதும் அவரவர் கடின உழைப்பின் சாதனை, தோல்வி மட்டும் ஆண்டவன் சோதனை...

மக்களின் குறைகளை அந்த மகேசனால் தீர்க்க முடியாது. காரணம் கருவறையில் இருப்பவனுக்கு கவலைகள் எங்ஙனம் விளங்கும்...

(தொடரும்)